Marandu Pora ñepyrumby Jesucristo rehegua . 2 Pe Isaías kuatiañe'éme ojehaiháicha: "Ko'ãga amondo ne renonderã che rembijokuái, ombosako'i va'erã ndéve nde rape. 3 Pehendúke aipóramo pe ojeiko'yhápe osapukáiva he'írõ: pembosako'íkena Jehová raperã, ha pemyatyrõê pende rape ikarêva."
4 Ha Juan oporomongaraíva ojehechauka ojeiko'yhápe. Ha omoher'erãkuã pe ñemongarai, ikatu haguã iñangaipa kuéra ojeheja rei ichupe kuéra. 5 Ha ohojoa Juan oporomongaraíva rendape opavave Judéaygua, ha umi Jerusalénpe oikóva avei. Omombe'upa iñangaipa kuéra ha ha'e omongarai chupe kuera Jordán ysyrýpe. 6 Juan oñemonde kaméllo pirekuégui ha ojeku'a jokua tukumbo vakapígui, ho'u va'ekue tuku ha eirete ka'aguy. 7 ha omombe'u : che rapykuéri ou petei imbaretevéva che hegui, namereséi ajoránte jepe ipya sã . 8 Che pomongarai ýpe, ha'e katu pene mongaraíta pytu marãngatúpe. 9 Umi árarupi, Jesús ou Nazarétgui, pe táva Galilea pegua ha Juan omongarai chupe Jordán ysyrýpe.
10 Osévo pe ýgui, ojepe'a pe yvága a ojehecha pe pytu marãngatu oguejyva hi'ári pykasuicha. 11 Ha pe Yvágagui ose ko'a ñe'é he'íva: "Nde ha'e che Ra'y, Ahayhuetéva; ndéve romoneíma." 12 Upepete pe pytu omondo chupe ojeiko yhápe. 13 Upépe oiko kuarenta ara javeve ha oipy'a ra'ã chupe Satanás. Oiko va'ekue mymba pochy apytépe, ha umi ángel oñangareko hemikoteve rehe. 14 Oñemondo rire Juánpe ka'iráime, Jesús oho Galiléape ha oñepyrü omoherakuã Ñandejára Marandu pyahu.15 Ha he'i peicha: "Pe ára oje'éva oguãhéma, ha Ñandejára sambyhy hi'aguíma. Pe ñembyasýke ha pe jerovia Marandu puahúre." 16 Jesús oguatahárupi Galilea yguasu rembe'y rupi. Upépe ohecha Simón ityvyra Andrés ndive, oity jave hikuai ipirañuhá yguasúpe; ha'e kuéra ningo pira reno'ehara va'ekue. 17 Upémaro Jesús he'i: "Peju che ndive ha che ajapóta pende hegui yvypóra kuéra renohehára." 18 Ha upepete, oheja hikuái ipirañuha ha oho hendive hikuái. 19 Amo gotyove ohecha Santiago, ku karai Sevedeo ra'ýpe ha Juan ityvýra hendive. Ha'e kuéra avei oí pe ijygape ha omyaterõ ipirañuha. 20 upevovemínte Jesus hohenõi chupekuéra, ha ha’ekuéra avei oheja itúva Sevedeope hembijokuái kuérandi ha oho hendive, 21 oho hikuai Capernaúmpe. Upe sabado árape Jesus oike sinagagape ha oñepyru oporombo’e 22 Ohecharamo joa hikuái mba'´richapa oporombo'e, oporombo’é oguerekóva pu’akaicha: Ha ndaha’éigui umi escrivaicha. 23 Upe árape ojejuhu isinagoga kuérape petei kuimba'e oguerekova pytu pochy. Ha oñemoi osapukái: 24 "Mba'éiko reguereko nendive Jesús Nazaretgua?. Reju piko ore hundívo? Roikuaa mávapa nde : nde, ha'e pe Ñandejára rembiporavopyre Marangatu." 25 Jesús omongavaju chupe, ha he'i: "Ekiriri ha ese chugui 26 Ha upépe pe aña oity ombyapajerei yvyre pe kuimba'épe, osapukái hata po i yvate ha osé chugui. 27 Opavave oñemondyipa ha oporandu hikuái ojupe: "Mba e piko kóva, kyhyje'yre oporombo'e ko mbo'epy pyahu, ha mba'epochy jepeve ojapo pe he'íva." 28 Ko ava rupive pya'e herakua Jesús Galilea rétame.
29 Oje'oipa rire opavave pe sinagógagui, Jesús oho Simón ha An¬drés rógape, omoirü.ichupe Santiago ha Juan.30 Simón rembireko sy, oí hiña hupápe tuichaite akanundu rehe¬ve, ha omombe'u hikuái Jesúspe. 31 Oguahé Jesús he-ndápe, oipopyhy ichupe ha upéi omopu'a ipógui. Ojei chugui pe akanundu vai ha oñemoi oñangareko hese kuéra.
32 Pe ka'aruete, kuarahy oikévo, ogueru joa Jesúspe hikuái opaichagua hasyva ha tapiería kuéra mba e-pochy poguype oikóva: 33 heta umi távaygua ijaty pe oké renondepe. 34 Jesús omonguera opáichagua mba’asy opa hasývape; ha omose umi demoniope, ha ndohejái oñe’e umi demoniope, oikuágui mávapa he‘e. 35 Ko'e mboyvemi, pytü gue-teri hiña, Jesús opu'á, osé ha oho petei tenda avave oi';yháme, ha oñemoí oñembo'e. 36 Simón ha iñirü nguéra oho ohekávo ichupe ha, 37 ojuhúvo hese, he'i hikuái chupe: "Opavavéko nde re-ka nina." 38 Ha'e he'i chupe kuéra: "Jahákatu amogo-tyomie umi távamimi hi'aguivéva rupi, ha che añemo-ne'éta upérupi avei. Upeara ningo aju va'ekue che."
39 Jesús oñepyrü oguahe umi sinagogaha rupi ha oguata hikuái Galilea tuichakue javeve: oñemoñe'é ha oity opaichagua mba'epochy. 40 Oñemboja pe¬tei ijaipochyva Jesús rendápe, oñesu ha ojerure asy ichupe kóicha: reipota ramo ningo ikatu che mopotí. 41 Jesús oiporiahuverekoite ichupe, ipojáivo opoko hese ha he'i: "Che aipota rekuera ha ne potíma repytávo." 42 Upéjave pe hasyvagui ojeipa pe ijaipochy ha okuera opytávo. 43 Upéro Jesús oheja oho, ha he'i jevy jevy ichupe: 44 "Anike ere mba'evete avavépe; terehónte ejehechau-ka pa'ípe ha eikuave'e ne potí hague rehe upe Moisés ojapouka haguéicha. Upéicha ojekuaáta pe oiko va'ekue." Pe kuimba'e katu, osémbamíre, oñepyrü oñe'e opavave ndive ha omombe'u pe oiko va ekue ojehu na-gueichaite. 45 Upéicha rupi ndaikatuvéi Jesús oike ojehecha haguame pe távape; opyta uvei okaha rupi, avave oí'yhame. Upéicharamo jepe, opa hendágui ojeju hendape upépe.
Cap.2
2 Heta ara rire, Jesús oike jevy Capernaúnpe ha ojekuaa oi ha hiha hógape. 2 Heta iterei oñembyaty hikuái ndaijavéi peve pe okeme. 3 Upe aja Jesús omoherakua ichupe kuéra Nandejára Ñe é, ha ogueru hikuái hendape petei ijapáva irundy kuimba'e pope hupa'i reheve.
4 Ha ndaikatúima ramo oñemboja hendape hetaitégui ijaty umi yvypóra kuéra, omopu'á hikuái upe ógasoja terá óga techo Jesús oíháme hiña ha, upe oñembokua hague rupi, omboguejy hikuái upe hasyva.5 Ha ohechá-vo Jesús umi yvypóra jerovia, he'i upe ijapávape: "Che ra'y, ne angaipa kuéra ojehejareíma ndéve."
6 Oguapy hiña upépe umi léi mbo'ehára ha oñepy'a-mongeta péicha: 7 'Mba'érehe piko péicha oñe'e. Kova ningo oñembohory Tupa rehe. Jaikuaa ningo Mávapa ikatu oipe'a pe angaipa, upéva Tupa ha ha'e añoite.
8 Jesús katu oñandukuaávo ipy apype kuéra mba'éi-chapa oñepy'amongeta, he'i chupe kuéra. "Mba'ére piko peñepy'amongeta hiña upéicha. 9 Mba'épa ndahasyivé-ne ja e ko ijapávape: ojehejareíma ndeve ne angaipa kuéra, terápa ja'e: epu a, enupi nde rupa'i ha tereho. 10 Peikuaákena ko Yvypóra Ra'y oguerekoha pu'aka yvy ári ojorávo umi angaipa."
" Ha he'i pe ijapávape: "Ndéveko ha'e, epu'á, ehupi nde rupa'i ha tereho nde rógape." Ha upetévo opu a, hesa renondépe kuéra ohupi hupa'i ha ogueraha ipópe. 12 Opavave yvypóra ijurujái joa opytávo ha maymavé-va oiva guive upépe omomba'e guasu Túpame, ha he'i hikuái: 'Tvfdajahecnáiva araka'eve péichagua."
13 Ose jevy Jesús yguasu rembe'y gotyo ha oupa hendá-pe mayma yvypóra ohecha hagua ichupe ha ha'e oñe-moi ombo'e jevy ichupe kuéra. 14 Ohasávo ohecha Levi, Alfeo ra'ype, ku teta ome'éukáva mono'ohára, oguapy hiña pirapire omono'ó hápe, ha he'i chupe: "Eju che rapykuén." Ha Levi opu'a ha oho hapykueri."Upe rire Jesús oho okaru Levi rógape. Jesús ha hemimbo’e kuéra ndive oguapy upe jekaruhápe heta umi tetã ome'eukáva mono óhara, avei angaipavóra kuéra, ha hetáma va'ekue niko umi ohóva Jesús rapykuéri. 16 Opáichavo, umi léi mbo'ehára fariseo rehegua, oho va’ekue avei Jesús rapykuéri. Ohechávo ichupe oguapy jekaruhápe umi angaipavóra ha umi teta ome'eukáva mono ohára ndive, he'i hemimbo'e kuérape: "Mba'e piko péva, okaru piko umi angaipavóra ha umi tetã ome'eukáva mono'ohára ndive."
17 Ohendúvo Jesús ko'a mba'e, he'i chupe kuéra: "Ndaha'éi ningo umi hesaiva pe oikotevéva pohanohá-
ra rehe, hasyvante uvei. Ndajúi ha'enóivo umi hekojojávape, umi angaipavóra kuéra pente uvei."
18 Petei ara ndokarúi jave Juan Bautista remimbo'e ha ; fariseo kuéra, oí he'iva Jesúspe: "Mba'ére piko umi ! Juan ha fariseo kuéra remimbo'e ndokarúi ha ne re- ¡ mimbo'e kuéra katu okaru. 19 Jesús ombohovái chupe ¡ kuéra: "Ikatu piko ndokarúi umi oiva mendahápe, oí i
aja hendive kuéra pe omendáva. Añetehápe ndaikatúi ndokarúivo oí aja pukukue hendive kuéra upe mena. 20 Oguahé va'era pe ara ojepe'aha ichugui kuéra upe mena: ha upéró katu ndokaruíchéne hikuái.
21 Avave nomyatyrói ao soroha peteí ao pyuhu pe-henkuépe, pe ao pyahu ningo jajohéi rire michive: omocha íne pe ao tujápe ha ombotuichave pe ao soro¬ha. 22 Ha avave nomoiri vino pyahu mba'yru tuja vaka-piguiguápe; ikatúgui ojoka upe vino pe mba'yru. Upéi-cha oñehundíne pe vino ha umi mba yru. !Vmo pyahu mba'yru pyahúpe va'era!
23 Petei sábado árape oguata ohóvo Jesús hemimbo'e kuéra ndive petei ko-kue mbyte rupi. Ha ohasakuévo oipo'o ha ojykyi hi¬kuái avati. 24 Upéró fariseo kuéra he'i chupe kuéra: "Ma'éna mba'e piko pejapo hiña. Ko'á mba'e ikatu'yva jajapo sábado aretépe."
25 Jesús he'i chupe kuéra: "Pee piko ndapeikuaái pe Kuatiañe'e Marangatúpe omombe'úva, mba'épa ojapo raka'e David, ha'e ha iñirü nguéra iñembyahyiete ramo guare. 26 Mba'éichapa oike Tüpaópe, ho'u ha ome'e ha-gue iñirü nguérape upe mbujape kuave'émbyre pa'i mante ikatúva ho u, upéva oiko Abiatar ha'e ramo gua¬re Pa'i ruvicha guasu. ¿27 Ha he'i chupe kuéra: "Ko sábado ara ojejapo va'ekue yvypórape guará, ha ndaha'éi yvypóra sábado árape guara. 28 Úpévarehe ko Yvypóra Ra y ha'éva Karai Guasu, ha'e avei sábado arete jara."
Cap.3
3 Ambue árape oike jevy Jesús sinagógape ha upépe ojejuhu petei kuimba'e ipo ypívandi. 2 Ha heta oí ojesarekóva hese, ohecha hagua omonguerápa ichupe sábado aretépe. Umi ovicheáva guive hese, oímbaitéma omongavaju haguá chupe.
3 Jesús he'i upe kuimba'e ipo ypívape: "Epu'á eñembo'y ha eñemoí mbytépe.' 4 Ha upei oporandu ichupe kuéra: "Mba'épa ikatu jajapo pe sábado árape, pe ivaíva terapa iporava, ñaipysyro pete! tapichape terapa jajuka."
5 Ha'e kuéra katu okiririmba. Upéro Jesús oma'é pora hese kuéra, ipochy ha ombyasy ohecha mbyky eterei rehe umi tekove. Ha he'i pe kuimba'épe: "Eipyso pe nde po." Upe hasyva oipyso ipo ha okuera opytavo.
6 Ha umi fariseo, osemivo upégui okápe ono oñe-mongeta Heredes rehegua kuéra ndive, ohecha hagua mba'éichapa ikatu ojuka hikuái Jesúspe.
7 Jesús oho hemimbo'e kuéra ndive yguasu rembe'y gotyo, ha upépe oje'ói hapykuéri hetaite Galileaygua. 8 Ha avei ou hetaite Ju-déagua, Jerusalen, Iduméa, Jordán mboypyri, Sidón, ha Tiro jerekuéguio ohua'í upépe, ohendúgui hikuái oje'e hetaite mba'eguasu ojapoha ha'e.
9 Jesús omondo hemimbo'e kuérape ombosako'i ha¬guá ichupe peteí yga aní hagua umi yvypóra kuéra oupa hi'ári. 10 Ojehechavo mba'éichapa hetape omonguera, opa hasyva guive opokosénte jepe hese ha ipahápe ojopypa hikuái ichupe. 11 Umi mba epochy poguype oi-kóva jepe, ohecha vove ichupe, pñesu hikuái henondépe ha osapukái: "Nde ha'e Tupa Ñandejára Ra'y." 12 Jesús katu he'i pohyi chupe kuéra ani hagua he'i mávapa ha'e.
13 Jesús ojupi peteí y vyty ári ha ohenói umi ha'e oípotávape, ha oú hikuái hendape.14 Upéicha oiporavo umi Dócepe, oiko hagua hendi¬ve ha omondo nagua ichupe kuéra oñemoñe'évo,15 ha ome'é ichupe kuéra pu'aka oity hagua umi mba'e-pochype.
16 Ko'ava ha'e umi Doce: Simón, ombohéra jo'áva Pe¬dro; 17 Santiago ha ityvyra Juan, Zebedeo ra'y kuéra ombohéra jo'áva Boanerges, he'iséva: ara sunu ra'y kué¬ra; 18 Ambue katu Andrés; Felipe; Bartolomé; Mateo; Tomás; Santiago, Alfeo ra'y; Tadeo; Simón Kanaanygua, 19 ha Judas Iscariote, ku upéi omoñuha va'ekue ichupe.
20 Ha oguahéma ramo hógape, ijaty jevy hetaite yvypóra he¬se kuéra ha ndohejái oguapynte jepe okarumi hagua hikuái. 21 Ha Jesús rogaygua kuéra apysápe oguahéma ramo ko'a mba'e, ou nikuái oguerahávo ichupe, oje'é-gui hese: "itarovaha."
22 Upe aya umi mbo'ehára léi rehegua ou va'ekue Je-rusaléngui he'i: "Oí Belsebu umi aña ruvicha poguype, upévarene ikatu oity umi añáme." 23 Jesús ohenói chu¬pe kuéra oñemboja nagua hendape ha oñepyrü omye-saka ichupe kuéra ñembojojapy rupive:
24 "Mba'éicha piko ikatúta Aña oity Añáme. Peteí teta oñemboja'opáva ha opu'ava ojuehe ndaikatúi hi'a-re tetaháicha. 25 Ha pe ogapy ndaikatuiháicha oiko pora oí ramo ñorairó ipype. 26 Upéicha avei pe Aña: opu'aro ojuehe pee pejeháicha ha oñemboja'opáro, upéva he'ise ndaikatumo'aiha hi'are ha pyaete oñehundipataha. 27 Añetehápe, avave ndaikatúi oiké-ntevo peteí kuimba'e mbarete rógape ha omonda imba'eta, oñapyti raé'y ramo ichupe. Upéicharo añoite ikatúne omondapa hóga pegua.
28 Añetehápe ha'e peéme: "Ojeheja rei va'erá mayma yvypóra kuérape opa iñangaipa, ha opa mba'e vai he'íva Tupa rehe, ojapo ramo jepe hetaite jevy.29 Pe Espíri¬tu Santo rehe okaguaíva katu, araka'eve ndojeheja rei¬chéne ichupe, oguerotyryryne uvei iñangaipa opa ara." 30 Ha upevaite voi ha e pe iñangaipa kuéra, he ígui Je¬sús oíha mba'e pochy poguype.31 Upe jave ou isy ipehengue kuéra opyta hikuái ha ohenoiuka ichpe. 32 Heta yvypóra oguapy hina ijerekuévoha he’i hikuái Jesuspe
ehendumína, peina ningo nde sy, nde ryvy ha ne reindy kuéra oí hina okápe ha oporandu nde rehe." 33 Jesús he'i chupe kuéra: Máva piko ha'e che sy, ha che pehengue kuéra." s
34 Ha oma'évo umi oguapyva hina ijerekuévo rehe he'i: "Pejapysakáke, ko'áva ku ha'e hina che sy, ha che pehengue kuéra 35 Upe ojapóva guive Ñandejara rembipota, upéva ha'e hina che ryvy, che reindy ha che sy."
Cap.4
4 Oñepyrü jevy Jesus oporombo'e yguasu rembe'ype. óñembyaty hese hetaite yvypóra, upémaro ojupi mante peteí ygape, oguapy ipype ha oñemomombyrymi y rembe'ygui, upe aya umi tapicha opytapa pe y rembe'ype. 2 Ha heta mba'e Jesús ombo'e ichupe kuéra ñembojoiapy rupive. Ha oñemoñe'e ichupe kuéra kóicha: 3 "Penendúke ko ha'éva peéme: Pe ñemityhára osé oñemity. 4 Ha oñe-mityvo oí ikóga ra'yí ho'áva tapépe: ou umi guyra kué¬ra ha ho'upa." 5 Ambue katu ho’a ita apytépe, yvy poka-háme, ha pya'e heñói ndaipypukúigui pe yvy;6 osévo pe kuarahy katu ohapy ha ndahapo pypukúi rupi ipi-ru. 7 Oí ambue ho'a va'ekue ñuatíndy apytépe: oka¬kuaa umi ñuatí ha ombopytupa pe kóga ra'y hi'a
mboyve. 8 Hembyre katu ho'a yvy avevo porame; ha heñoi, okakuaa ha hi'a: ha oí mata hi'áva treinta, sesen¬ta ha cien peve; 9 Jesús he'i jevy: Pe ijapysáva ohendu hagua tohendu.10 Ha opyta vove ha'eño, umi Doce ha ambue kuéra omoirüva ichupe, oporandu hikuái Jesúspe mba'épa he'ise upe oporombo'e va'ekue.
11 Ha Jesús onesa'.yijo hemimbo'e kuérape: "Peéko peime pe Tupa Reino ñemimbype, umi okarayguápe katu, ojei-kuaauka ñembojojapy rupive. 12 Pe Kuatiañe'é he'i hái-cha: heta oma'e ramo jepe ndohecha mo'ái; ohendu ra¬mo jepe ndoikuaaichéne mba'épa he'ise; ndohejaichéne heko vai tekopora rehe ha ndojeheja reichéne ichupe kuéra iñangaipa."
13 Jesús he'i chupe kuéra: "Nahesakáipa peéme ko ñembojoja. Ha upéicha ramo, mba'éicha umi ambue mba'e peikuaáta.14 Pe ñemityhára ningo oñemity ohó-vo pe Tupa Ñe'e.15 Oí ningo tapicha ha'etéva ku mba'e ra'yi ho'a va'ekue tapépe: umiva ha'e, ohendupamíre Tupa Ñe'e ou va'ekue mba'epochy ha oipe'a ichugui kuéra pe Ñe'e oñeñoty va'ekue ipype.
16 Upéicha avei oí ambue ha'etéva upe oñeñoty va'e¬kue ita apytépe: umíva ha'e ohendu vove pe Tupa Ñe'e, oguerovia va'ekue pya'e ha vy'ápope pe Ñe é, 17 ha katu noñembohapo pypukúigui ipype Ñandejára Ñe'e ndahi'aréi mba e porame: ha ho'a vaipa vove ichupe tera oñembohasa asy ramo upe Tupa Ñe'e rehe-hápe, upepete oheja.
18 Oí ambue ha'etéva upe ñuatíndy apytépe oñemity va'ekue: Ko'áva ohendu va'ekue Ñandejára Ñe'e,19 ha katu ojepy'apy etereígui umi mba'e ojehúva ñande rekové-pe, oipota tarovágui pe pirapire he'íva ome'etaha gua'u, ha pe ñande rete rembijerure vy'árante. Opa o'á mba'e oñembojuaju ombopytupa haguá pe Tupa Ñe'é, ha ipahápe ndahi'ái.
20 Ipahápe, oí ha'etéva upe oñemity va'ekue yvy poraháme; umíva ha'e tapicha ohendúva pe Tupa Ñe é ha oñemomba'éva hese ha hi'a: oí hi'áva treinta, oí hi'á¬va sesenta ha oí hi'áva cien peteígui.
21 Jesús he'i avei chupe kuéra: "Ojeguereko piko peteí tesapeha oñemoí hagua mba'yru tera tupa guype. Nañamoíché-nepa uvei yvate oporohesape haguame. 22 Peikuaáke oí ramo peteí mba'e kañyháme upéva oñerenohé va'eraha ara sakame, ha oí ramo ñemimby, ojeikuaa mante va'era.23 Upe ijapysáva tohendu."
24 Ha'e avei peéme: "Pejapysaka porake ko pehendú-va rehe. Pe ñena'áha peiporuva pende rapichare upéva avei Tupa oiporúta pende rehe pehupyty va'ekue rova-ke, ha ikatu ipohyive pene ndive. 25 Peikuaa porake: upe oñeha'áva omyenyhé hekove tembiapo poragui, oñeme'éve va'era ichupe; ha pe ojapo'yva mba'eve katu, oguerekomiva jepe, ojepe a va era ichugui.
26 Jesús he'i avei chupe kuéra: "Pehendukéna ko ñembojoja Tupa Reino rehegua. Peteí kuimba'e oñoty mba'e ra'yi yvype; 27 to-ke tera toñangareko ara pukukue, pyhare tera arakué-pe, upe mba'e ra'yi heñoi ha okakuaa ohóvo ijehegui voi, ha'e ohechakuaa'y rehe. 28 Pe yvy hi'a ijeheguivo-ínte: ome'é pe kóga ra y rae, okakuaa, ipoty, upéi ihára, ha ipahápe pe inára nenyhemba avati ra'yi poragui. 29 Ha otyaroma ramo katu, oñemono' oguahémagui oñembyaty haguá ara.
30 Ha he'i avei Jesús: "Ha mba'épepa ojogua pe Tupa Reino. Mba'érehepa ikatu ñambojo]a. 31 Ojogua ningo ku mostasa ra'yime. Oñe-ñoty jave, michieteve opaichagua mba'e ra'yi yvy ariguágui. 32 Ha oñeñoty rire katu, okakua ohóvo ha tuichave umi ka'avo ambuégui. Ha haka guasuete, guyra kuéra jepeve ikatu oñembohupa hi'áme.
33 Jesús oiporu heta ñembojoja ko'áichagua ohe-kombo'e hagua ichupe kuéra, oñeha'ávo oguejy opai-cha hapicha renondépe oikuaaukávo hemimbo'e. 34 Opa mba'e oporombo'e ñembojoja rupive, hemimbo'e kuérape katu omyesaka ha'eñoháme.
35 Ha upe ara, ka'aruetéma ra¬mo, Jesús he'i hemimbo'e kuérape: "Jahasa katu ygua-su mboypyri." 36 Ha'e kuéra omondopa umi yvypóra ijaty va ekuépe ha ogueraha hikuái Jesúspe oí háicnaite ygape. Omoirü avei ichupe ambue yga kuéra. 37 Upeia-ve, oipeju sapy'a peteí yvy tu neratáva ha upe y pochy ojejapi mbarete pe yga rehe omyenyhémba peve ohóvo ygui.38 Upe aja Jesús oke hiña upe yga ropytápe peteí akangyta ári. Ha sapukáipe omombáy hikuái Jesúspe. "Mbo ehára, péicha piko nde rehejáta ñamanomba."
39 Ha'e opáyvo, oñe'e hatá pe yvytúpe ha he'i upe yguasúpe; 'Ekirirí, epyta." Pe yvytu oñepyrü oipeju kangy asy, pe y osyry mbeguekatu ha opyta iporáite pe ara. 41 Uperire he'i chupe kuéra: "Mba'e rehe piko pekyhyje eterei. Ndapegueroviái gueteri piko."
41 Tuichaite ñemondyi reheve katu oporandu ojupe: "Mávatepa kóva, yvytu ha yguasu jepeve ningo ojapo pe he'íva."
Cap. 5
Oguahẽ hikuái yguasu mboypýri, yby hérava Gerásape. 2 Jesús oguejýbo ygágui, oñemboja hendápe tyby tygui peteĩ kuimba'e oguerekóba mba'epochy. , 3 haé oiko tybytýpe. Ha uperõpebe Ndaipóri ikatúba ojokua hatã chupe, mba'ebépe. 4 Heta jeýma ojejokuapa, ha katuetei omondohopába umíva, ababe ikatu'ỹre ipu'aka hese. 5 Ára ha pyharépe oiko umi ybyty ha tyby pa'ũ rupi, osapukái ha oñekytĩ itápe. 6 Ha ohechábo Jesúspe mombyry guive, oñani ha oñesũbo henondépe,7 he'i chupe osapukaihápe: "Mba'épiko she aguereko nendibe Jesús, Ñandejára Yvatetegua Ra'y. Ñandejàrare ajerure ndéve, ani haguã che mbohasa asy! 8 He'i upéicha, he'i haguére shupe Jesús: "Mba'epochy, esẽ pe kuimba'égui! 9 Jesús he'i shupe: "Mba'éicha nde réra.
Ha'e he'i: "Legión she réra, ore retágui. 10 Ha ojerure asy jey jey Jesúspe ani haguã omosẽ shupe kuéra upéba upe ybýgui. 11 Pe ybytý jerère heta oĩ kure okarúba hína .
12 Upémerõ ojerure asy shupe:
"Ore mondóna umi kurépe, toroike ipype kuéra.
13 Ha oheja shupe kuéra oike. Ha umi mba'e pochy osẽ pe kuimba'égui ha oike umi kurépe. Ha umi 2000 kure ojapykuéri peteĩ teĩ ojepoi ýpe, ha upépe omanomba.14 Umi kure rerekua oho ha omombe'u opa mba'e pe tábape ha umi okaháre. Opababe oho ohechábo upe ojehu baekue. 15 Ha oguahẽbo Jesús rendápe, ohesha hikuái upe oguereko baekue ipype mba'eposhyeta oguapy, oñemonde porã ha iñakã guapy. Opabave okyhyjejoa. 16 Ha umi ohecha vaekue mba'épa ojehu pe mba'e pochy oguereko vaekuépe ha umi kurépe, omombe'u umi ambuépe. 17 Ha ojerure asy hikuái oho haguã upégui. 18 Jesús ojevývo yga oĩhápe, upe oguereko vaekue mba'e pochy ojerure chupe oheja haguã oho hendive. 19 Jesús katu ndohejái ha he'i shupe: "Tereho ubei nde rógape ha emombe'u nde rogagua kuérape opa mba'e, Jeová ojapo baekue nde rehe, ha mba'éichapa nde poriahurereko. 20 ha oho ha omombe'u Decápolis tába kuéra rupi upe Jesús ojapo baekue hese. Ha opababe, ijurujái joa 21 Jesús oguahẽ jeývo ygápe yguasu mboypýrigui, heta eterei oĩ ijatýba hese, ha ha'e opyta yguasu rembe'ýpe. 22 Upébo, oguahẽ Jairo. Ha'e niko peteíba umi judío kuéra sinagoga pegua ruvisha hína. Ha oheshábo Jesúspe oñesũ henondépe, 23 ha ojerure asy asy shupe he'ívo: "Che rajy niko hasyete. Ejúna emoĩ nde po hi'ári okuera ha oikobe haguã. 24 Jesús oho hendibe, ha heta ohóba hapykuéri ha ojopypába shupe. 25 Umíba apytépe oĩ peteĩ kuña ojapómaba 12 áño huguy mante hague. 26 Ha heta pohanohára ombohasa asy vaekue shupe ha oiporupa opa oguerekóva okueraségui, ha oho baiberei shupe oho porã rangue. 27 Ohendúbo pe Jesús rehe oje'éba, oñemboja hese hapykue guio ha opoko ijaóre. 28 he'igui ipy'apýpe: “Ijao rehénte jepe apokórõ, akueráta.” 29 Upe vove huguy syry opyta, ha oñandu hetépe okuera hague imba'asý baietegui. 30 Upepete Jesús oñandu osẽ hague shugui pokatu, oñembojere oma'ẽ opababére ha oporandu: "Mávapa opoko ra'e che aóre? 31 Hemimbo'e kuéra he'i shupe: "Rehesháma niko opababe nde jopyha opa guio, ha piko reporandu mábapa opoko nde rehe? 32 Jesús katu oma'ẽ ijerére, ohesha haguã mábapa opoko hese. 33 Upérõ pe kuña oryrýipa kyhyjégui, ha oikuaa porãgui upe ojehu baekue, oñesũ henondépe ha omombe'upa chupe pe añete gua. 34 Ha'e he'i chupe: "She rajy, nde rejerovia nemoguera. Tereho py'a guapype. Rekueráma ne mba'asýgui. 35 Jesús oñe'ẽ jave gueteri hína, oguahẽ umi tembijokuái sinagogaygua ha he'i: "Nde rajy omanóma. Maerã piko remyangekoibéta Mbo'ehárape? 36 Jesús katu ohenduse'ýre pe oje'éba, he'i pe sinagoga pegua mburuvichápe: "Ani rekyhyje ejeroviánte. 37 Ha ndohejái ababe omoirũ shupe, Pedro, Santiago ha ityvýra Juánpe añónte. 38 Oguahẽbo pe sinagoga pegua rubisha rógape ha ohechábo pe aybu, tasẽ ha sapukái oikóba, 39 ha oikerire ha he'i shupe kuéra: "Mba'ére piko pende aybu ha pene rasẽ upéisha? Ko mitãkuña niko nomanói, okénte hína. 40 Opuka ha ñembohory joa hese hikuái. Ha'e katu omosẽ opababépe, ha oike itúva, isy ha umi imoirũhára ndibe upe mitãkuña oĩháme. 41 Ipojái pe mitãkuña póre ha he'i chupe: " “Tál·i·tha cú·mi”, (he'iséva: “Mitãkuña, ndéve ha'e, epu'ã.”)42 Upe bobe pe mitãkuña, oguerekóva 12 áño, opu'ã ha oñemoĩ oguata. Ha opababe ijurujái opytávo. 43 Ha ha'e katu he'i chupe kuéra jey jey ani haguã omombe'u ababetépe, ha he'i oñemongaru haguã upe mitã kuñáme.
Cap. 6
Ha oho upégui oikobe ypy haguépe, ha hemimbo'e kuéra oho hendibe.
2 Oguahẽbo pytu'uha ára oñepyrũ oporombo'e sinagogape. Ha heta ohendúba, ijurujái joa:
"Moõgui piko oikuaa kóva hetaite mba'e? Mba'erepa oñeme'éne ko arandu ko kuimba'épe ha ipoitierupi ojapo umi mba'e guasuete?
"Moõgui piko oikuaa kóva hetaite mba'e? Mba'erepa oñeme'éne ko arandu ko kuimba'épe ha ipoitierupi ojapo umi mba'e guasuete?
3 Kóva
ningo pe karpintéro, María memby, ha ityvýra kuéra Santiago, José,
Judas ha Simón, ajépa? Ha heindy kuéra ningo ói ñande ndibe, ajépa? Ha ndojeroviái hese hikuái